頌謙祖母的故事
「頌謙自細有讀寫問題，又有專注力缺乏症，成日發脾氣。好彩認識到小紅帽嘅Ivy，多謝佢關顧頌謙，好感恩！孫仔舊年有幸參加小紅帽嘅『遊戲治療班』，我覺得對頌謙幫助好大，佢依家個人開朗咗，少咗發脾氣。」
－黃太，頌謙的祖母
提到頌謙的處境，黃太感到十分無助。「頌謙細細個時已出現讀寫問題，當時健康院姑娘話要等佢讀小學先可以睇吓點處理。後來有社工幫我哋寫信去公立醫院，最終職員叫我哋自己去私家醫院做評估，做一次評估洗咗二千至三千元蚊，知道佢有『專注力缺乏症』，呢個病令頌謙情緒起伏會好大，醫生話要每日食藥，我好心痛同唔知點算好！」
後來在一次機緣下，黃太認識到小紅帽的Ivy。「Ivy好有心，好關心我哋，舊年佢邀請頌謙參加小紅帽舉辦嘅『遊戲治療班』，又同我解釋玩遊戲可以幫助孫仔學習管理情緒。頌謙當時每個星期上一堂，總共八個星期，有專業遊戲治療師Jessica姐姐以一對一形式陪頌謙玩。頌謙每次落堂後都好雀躍話我知玩乜嘢，佢好開心。未參加遊戲班之前，佢唔會同人講自己感受，依家無論開心唔開心嘅事都會同我講，參加小紅帽活動時又會影相同我分享。另外，以前佢同我傾電話，突然會大發脾氣然後收線，依家好少啦，佢情緒真係比以前穩定咗好多！」
黃太坦言頌謙是個孤獨寂寞的孩子，不時渴望有人陪伴。即使工作極為繁忙，她每星期仍會盡量抽時間陪頌謙，例如在週末帶他上足球班。她揚言小紅帽的活動很有意思，讓頌謙可以學習之餘，又有細心嘅義工陪伴頌謙，令她可以舒減一些壓力。
其他故事
頌謙祖母的故事
「頌謙自細有讀寫問題，又有專注力缺乏症，成日發脾氣。好彩認識到小紅帽嘅Ivy，多謝佢關顧頌謙，好感恩！孫仔舊年有幸參加小紅帽嘅『遊戲治療班』，我覺得對頌謙幫助好大，佢依家個人開朗咗，少咗發脾氣。」
－黃太，頌謙的祖母
提到頌謙的處境，黃太感到十分無助。「頌謙細細個時已出現讀寫問題，當時健康院姑娘話要等佢讀小學先可以睇吓點處理。後來有社工幫我哋寫信去公立醫院，最終職員叫我哋自己去私家醫院做評估，做一次評估洗咗二千至三千元蚊，知道佢有『專注力缺乏症』，呢個病令頌謙情緒起伏會好大，醫生話要每日食藥，我好心痛同唔知點算好！」
後來在一次機緣下，黃太認識到小紅帽的Ivy。「Ivy好有心，好關心我哋，舊年佢邀請頌謙參加小紅帽舉辦嘅『遊戲治療班』，又同我解釋玩遊戲可以幫助孫仔學習管理情緒。頌謙當時每個星期上一堂，總共八個星期，有專業遊戲治療師Jessica姐姐以一對一形式陪頌謙玩。頌謙每次落堂後都好雀躍話我知玩乜嘢，佢好開心。未參加遊戲班之前，佢唔會同人講自己感受，依家無論開心唔開心嘅事都會同我講，參加小紅帽活動時又會影相同我分享。另外，以前佢同我傾電話，突然會大發脾氣然後收線，依家好少啦，佢情緒真係比以前穩定咗好多！」
黃太坦言頌謙是個孤獨寂寞的孩子，不時渴望有人陪伴。即使工作極為繁忙，她每星期仍會盡量抽時間陪頌謙，例如在週末帶他上足球班。她揚言小紅帽的活動很有意思，讓頌謙可以學習之餘，又有細心嘅義工陪伴頌謙，令她可以舒減一些壓力。
