子良的故事
「『小紅帽 • 暑期大冒險』帶畀受惠嘅小朋友一個難忘嘅人生經歷！有一個特別唔聽話又脾氣大嘅小朋友，唔少義工都被佢鬧過。有一次，佢發脾氣後我搵佢傾計，知道佢同一位義工哥哥關係非常好，因為每次活動後哥哥會陪佢返屋企，有時哥哥亦會陪佢去週末嘅興趣班等。當我問小朋友知唔知點解哥哥願意額外抽時間陪佢時，佢終於明白到哥哥好關心佢。自此以後，小朋友慢慢學習欣賞義工為佢安排嘅活動，而且仲開始識得『收火』，唔再亂發脾氣，我覺得真係好amazing！」
－子良，九龍城基督徒會博康堂傳道人
.jpeg)
子良於2021年暑假招募應屆DSE考生擔任『小紅帽 • 暑期大冒險』義工，帶領他們協助統籌合共12次單元活動和兩日一夜的宿營，「好開心可以同小紅帽合作，因為今次活動唔單止令呢班哥哥姐姐可以過一個有意義嘅暑假，學吓點樣關心弱勢社群，更重要係參加嘅小朋友當哥哥姐姐係榜樣，學習做人處事嘅態度。」
「經過兩個多星期嘅活動，我見到小朋友有改變，有啲好努力記住哥哥姐姐嘅教悔，亦有小朋友學習到唔同嘅生活技能。記得有一次，有一位同學响活動進行中好唔合作，當時竟然有另一位小朋友上前用義工曾經教佢嘅說話提醒呢位同學唔好亂發脾氣，我哋見到覺得好欣慰。另外，有一對姊弟，以往家姐協助細佬沖涼，响入宿營前細佬努力學習幫自己沖涼。」子良認為這些得著對小朋友的成長十分重要。
.jpeg)
整個活動由義工帶領多類型的單元內容，包括：運動競技、手工製作、甜品製作等，每次活動後都有功課輔導時間，義工陪伴參加者渡過一個十分充實的暑假。活動開始前，小紅帽安排專業遊戲治療師舉辦工作坊，教授義工們一些與兒童相處技巧。子良表示今次活動給予中學生義工一次寶貴的學習機會。「義工同學响今次活動可以更認識自己，發掘潛能，同時亦令他們發現原來自己有能力做到唔同嘅事。一眾義工中，有一位特別「靜」嘅同學，以往唔多說話，但我哋留意到佢好肯花心思同時間跟小朋友相處，佢後來仲成為小朋友喜歡嘅義工之一。我相信呢個經歷畀到呢位同學一份鼓勵。」
「You will never walk alone!」子良揚言很願意陪伴弱勢家庭的小朋友行好人生的道路，同時希望有更多人可以一齊支持，為有需要的小朋友打氣。
