Agnes的故事
「參加小紅帽活動嘅小朋友都遇著大大小小嘅家庭問題，佢哋好多都會缺乏安全感，好渴望得到愛。有啲小朋友更覺得自己被遺棄，感到孤單無助。我希望陪住有需要嘅小朋友，令佢哋重新感受到人間有愛，同時幫助佢哋建立正向思維，令佢哋嘅生命可以得到改變！」
－Agnes，自小紅帽成立開始至今，一直熱心参與各項兒童事工
.jpeg)
Agnes很喜歡小朋友，向來積極協助小紅帽統籌不同形式的活動以幫助弱勢家庭兒童。「2020年初我哋跟一間NGO合辦農曆新年慶祝會，除咗同小朋友玩遊戲同開大食會外，我哋事前收集咗善長捐出來但品質仍然良好嘅衣服，送畀小朋友作為新衫迎接新年。另外，更安排咗『不一樣嘅寫揮春』環節，義工陪住小朋友訂立新一年目標。我哋希望呢個活動唔單止陪住佢哋開心慶祝新年，最重要係帶出正面訊息，教小朋友學習好好安排自己嘅將來。」
.jpeg)
儘管新冠疫情令小紅帽的實體活動未能如期舉行，但無阻義工與弱勢家庭兒童的連繫。較早前，小紅帽安排家舍兒童參與線上平台DIY工作坊，製作環保小手工。由開始成為小紅帽義工至今，Agnes知道参加者有著不同程度的改變使她感到十分欣慰。「小學生Matt（化名），因家庭問題較為複雜而成為第一位入住小紅帽臨時宿舍嘅小朋友，佢極度缺乏安全感，加上患有ADD（注意力缺乏症），情緒起伏好大，同時佢學業成績唔係太好。記得有一次，佢發脾氣之餘更嬲到掟鞋！疫情爆發後我未能夠到宿舍探佢，但從其他義工口中知道佢响呢一年好努力學習控制自己嘅情緒，而且成績開始有進步，我真係好開心！」
Agnes揚言成為小紅帽的義工令她有不少得著，「有一次小紅帽安排兒童心理學家教我哋一班義工同小朋友相處嘅技巧，提到小朋友响唔開心嘅時候，大人唔需要強迫佢哋立即講出感受，反而擁抱佢哋可以令小朋友心情平靜落嚟，同埋畀佢哋一份安全感。」她表示陪伴小朋友一同踏上成長路是很有意義的事，然而社會上有不少弱勢家庭的兒童現正急需支援，她盼望有更多有心人可以支持小紅帽的工作，成為兒童的陪伴者，為他們的生命帶來改變。
